Primal Scream

Primal Scream, o aclamado grupo escocés de rock con máis de catro décadas de traxectoria, atópase de xira polo 30 aniversario do seu icónico álbum’‘Screamadelica’. Trala súa publicación, en 1991, converteuse nun dos traballos máis emblemáticos da década dos noventa; un disco hedonista, que mesturaba estilos, que se podía bailar e que ía reflectir o espírito daqueles anos. Actualmente o grupo está formado por Bobby Gillespie, Andrew Innes, Martin Duffy, Simone Butler e Darrin Mooney, e xuntos presentarán un espectáculo no que ademais de repasar Screamadelica de forma completa, tocarán cancións clásicas doutros discos da súa extensa traxectoria.

The Big Moon

Pasaron arredor de dous anos desde a última vez que The Big Moon nos mostraran o seu lado máis magnético e portentoso co lanzamento de ‘Walking Like We Do’, o álbum que as situaba na liga das novas bandas que conquistarían o mundo e que foi publicado escasas semanas antes de que o mundo enteiro se puxera patas arriba a causa dunha pandemia global. O cuarteto londiniense publicará o seu terceiro álbum ‘Here Is Everything’, do que se pode escoitar o primeiro sinxelo, ‘Wide Eyes’, este mesmo ano. Escrito no transcurso dos últimos dous anos, o novo disco captura un período de intenso cambio, tanto para o mundo en xeral como para a principal compositora Juliette Jackson. Desde que lanzaron o seu segundo álbum ‘ Walking Like We Do ‘, que chegou ao Top 20, a cantante e guitarrista converteuse en nai e deu a luz a un fillo o ano pasado. Tras pasar polos principais festivais europeos nos últimos anos incluído Mad Cool, agora é o momento de velas por primeira vez en Galicia e gozar dos seus contaxiosos hits.